Eenzeg bäi den Dammen gouf et eng kleng Surprise wou de VC Luerentzweiler hire 4-Punkte Virsprong genotzt huet fir sech 3-2 géint de VC Belair aus der Divisioun driwwer ze behaapten. E bësse méi serréiert war och de Match tëscht dem Volley80 Pétange aus der Novotel Ligue an dem Escher VBC. Hei huet sech den Tabelleleader aus der 1ter Divisioun no haardem Kampf awer misse 1-3 geschloe ginn.
Bäi den Häre waren all d' Aen op den Duell tëscht dem CHEV Diekirch an dem VC Luerentzweiler geriicht. Gouf et am Championnat nach eng kloer Victoire fir dem Serge Karier seng Ekipp, konnten déi Dikrecher an eegener Hal de Spiess emdréinen an 3-2 gewannen. Gutt gekämpft huet och de VB Amber-Lënster am Derby géint de Volleyball Iechternach. Um Enn sollt sech d' Erfahrung aus de leschten 3 Joer fir déi Iechternacher bezuelt maachen a si konnten de Match 3-1 gewannen.
