An senger Reunioun vum 19. August huet den conseil d' administration festgehalen datt d' Supercoupe 2026 vum Volleyball Iechternach organiséiert gett.

D' Supercoupe 2026 gett eng éischte Kéier iwwer 2 Deeg gespillt: Samschdeg den 17. Oktober ginn Halleffinalle gespillt an den Sonndeg 18. Oktober d' Finallen.
Qualifizéiert sinn déi respektiv Championen, Coupegewënner esouwéi d' Vizechampionen an d' Vizecoupegewënner. Ekippen déi Duebel representéiert sinn ginn duerch déi nächstbescht classéiert Ekipp vun der MIXVOIP League ersat.

Programm fir Halleffinallen um Samschdeg:

                        13:00         1/2 Finall Dammen 1        CS Gym Volley         VC Steinfort

                        15:30         1/2 Finall Hären 1             VC Lorentzweiler     CHEV Diekirch

                        18:00         1/2 Finall Dammen 2        RSR Walfer              VC Mamer

                        20:30         1/2 Finall Hären 2             Volley Bartreng        VC Stroossen

D' Finallen um Sonndeg 

                        16:30         Finall Dammen                  Gewënner vun den Halleffinallen

                        19:00         Finall Hären                       Gewënner vun den Halleffinallen

Location, Challengesystem an Netzer

D' Matcher ginn alleguer an der Sportshal vum centre sportif et scolaire Michel Rodange zu Waldbëlleg gespillt. 

Eng éischte Kéier kënnt dann och den Videochallengesystem vun der Federatioun an den Asaz. Hei hëllefen 18 Kameraen dëm Arbitter bei der Decisioun.

Donieft gett och mat engem neie "bedréckte" Netz gespillt dat Visibilitéit vum Ligasponsor MIXVOIP erhéije wäert.